“Родная мова”
22.02.202022 лютага вучні 9-х класаў ДУА “Сярэдняя школа №13 г.Слуцка” прынялі ўдзел у мерапрыемстве “Родная мова”, якое стала фіналам тэматычнага тыдня, прысвечанага Міжнароднаму дню роднай мовы.
Удзельнікі падрыхтавалі інфармацыю пра гісторыю ўзнікнення і святкавання гэтай даты, паразважалі аб ролі роднай мовы ў сучасным грамадстве, аб важнасці захавання мовы і перадачы яе будучым пакаленням.
Дзевяцікласнікам былі прапанаваны разнастайныя заданні па беларускай мове і літаратуры, з якімі яны бліскуча справіліся.
Верыцца, што мерапрыемства пакінула след у сэрцах вучняў, і яны ўсвядомілі, наколькі важна ведаць, любіць і захоўваць родную мову.