“Паштоўка паэту роднага краю”

18 лютага 2023 года адбылося мерапрыемства пад назвай “Паштоўка паэту роднага краю”, прысвечанае творчасці Янкі Купалы. Удзельнікамі літаратурнай гадзіны сталі вучні шостых класаў.

Прысутныя бліжэй пазнаёміліся з жыццёвым і творчым шляхам слыннага песняра беларускай зямлі, даведаліся аб роднай вёсачцы Вязанцы, аб яго цяжкім дзяцінстве, таксама, якім быў першы верш і першы паэтычны зборнік Янкі Купалы, колькі няшчасця і пакут прынесла яму Вялікая Айчыная вайна. Потым вучняў чакалі віктарына, рэбусы.

Падчас літаратурнай гадзіны дзеці змаглі дакрануцца да дзіўнага свету купалаўскай спадчыны. Гучалі прыгожыя вершы, а таксама песні на словы Янкі Купалы.

Тэматычнае мерапрыемства дазволіла пашырыць літаратурны кругагляд навучэнцаў, а таксама выхаваць пачуццё павагі да класіка беларускай літаратуры і любові да роднай мовы.