2015/2016

У карагодзе творчасці і талерантнасці

Абласны гала-канцэрт XI Рэспубліканскага фестывалю мастацкай творчасці “Вясёлкавы карагод” сабраў у Маладзечне выхаванцаў дзіцячых дамоў, школ-інтэрнатаў, спецыяльных школ і цэнтраў карэкцыйна-развіццёвага навучання і рэабілітацыі з розных рэгіёнаў Міншчыны. На сцэне і выставачнай пляцоўцы яны дэманстравалі не толькі свае творчыя ўменні, але і сілу волі, веру ў лепшае і імкненне да перамогі.

Традыцыйна фестываль складаецца з дзвюх частак: выставы дэкаратыўна-прыкладнога мастацтва і творчых выступленняў на сцэне. Папярэдне адбыліся тры адборачныя этапы: у Маладзечне, Уздзе і Смалявічах на сцэну выйшла больш за 400 удзельнікаў фестывалю, а на выставе было прадстаўлена каля чатырох тысяч работ, якія стварылі навучэнцы 68 устаноў адукацыі. Для ўдзелу ў абласным мерапрыемстве было выбрана каля 500 работ выхаванцаў 29 устаноў, у гала-канцэрце прынялі ўдзел 140 чалавек.

Выстава здзіўляла разнастайнасцю тэхнік, матэрыялаў, а таксама высокім выканальніцкім майстэрствам. Найбольш маштабную экспазіцыю прадставілі навучэнцы Рудзенскай дапаможнай школы-інтэрната. Тут былі работы вышываныя бісерам, стужкамі, кветкі са скуры і тканіны, акварэлі, работы, выкананыя ў тэхніцы дэкупаж, квілінг. Многія ўстановы адукацыі прадэманстравалі цудоўныя вырабы менавіта ў тых тэхніках, якія характэрны для іх раёна. Напрыклад, саламяныя вырабы прадставіў Валожынскі ЦКРНіР, керамічныя — ЦКРНіР Лагойскага раёна.

Некаторыя ўдзельнікі не проста дэманстравалі работы, а стваралі з іх завершаныя кампазіцыі, якія расказвалі пэўную гісторыю. Так, амаль кожны госць фестывалю падышоў да экспазіцыі Слуцкага раённага ЦКРНіР, аформленай у выглядзе вясковай печы, на якой грэліся розныя казачныя персанажы. Былі тут Дзед і Баба, Ямеля, Шчупак, Калабок і Курачка Раба. У печы патрэсквалі вельмі падобныя да сапраўдных агеньчыкі, а каўбасы, што над ёй сушыліся, выклікалі жаданне падсілкавацца.

Часта адлюстроўвалася ў работах нацыянальная тэматыка, народны каларыт. На сялянскім падворку запрашалі пабываць работы выхаванцаў Пухавіцкага раённага ЦКРНіР, уздзенскія замалёўкі прадставілі навучэнцы і педагогі з гэтага рэгіёна, прыгажосць нашай зямлі ў габеленах і разьбе па дрэве адлюстравалі выхаванцы Маладзечанскай санаторнай школы-інтэрната для дзяцей з захворваннямі касцёва-мышачнай сістэмы і злучальных тканак.

Дзеці не толькі засвойваюць новыя тэхнікі, але і выкарыстоўваюць незвычайныя матэрыялы для сваёй творчасці. Навучэнцы Гарадзейскай дапаможнай школы-інтэрната стварылі дзівосныя кветкі з лупін бананаў і апельсінаў, карціны з каменьчыкаў і гузікаў прадставілі навучэнцы Радашковіцкай школы-інтэрната для дзяцей-сірот і дзяцей, якія засталіся без апекі бацькоў. Работы студыі “Я малюю” Салігорскага ЦКРНіР цікавыя тым, што створаны падчас сумеснай дзейнасці дзяцей з асаблівасцямі псіхафізічнага развіцця і валанцёраў — навучэнцаў гімназіі № 3 Салігорска.

Пасля работы выставы галоўнае дзейства фестывалю перамясцілася на сцэну, дзе разгарнулася канцэртная праграма. Юныя артысты дарылі гасцям і журы вакальныя нумары, танцавальныя і тэатральныя кампазіцыі. Яскрава і пераканаўча яны расказавалі розныя жыццёвыя гісторыі мовай мастацтва. Шчырыя ўсмешкі выклікалі танцам “Ой, Вася-васілёк” маленькія выхаванцы Ждановіцкага дзіцячага дома, яркім было выступленне “Бліны масляніцы” інструментальнага ансамбля Уздзенскага раённага ЦКРНіР. Вытанчаны вальс на калясках ад выхаванцаў Івянецкага дома-інтэрната для дзяцей-інвалідаў з АПФР зала сустракала гарачымі апладысментамі. Разнастайныя цікавыя танцавальныя нумары падрыхтавалі навучэнцы Мінскай абласной дзяржаўнай спецыяльнай агульнаадукацыйнай школы-інтэрната для дзяцей з парушэннямі слыху — ад старажытных шляхецкіх танцаў да сучаснага хіп-хопа. Парадавалі прадстаўнікі гэтай установы адукацыі і цікавай пантамімай “Музыканты” і паказам тэатра моды. Гледачоў зачараваў маленькі невідушчы спявак Сяргей Яцук, які вучыцца ў сярэдняй школе № 13 Слуцка.

Сярод гэтых цудоўных выступленняў і мноства работ выставы складана было вылучыць лідараў. Аднак журы ўзнагародзіла за творчыя нумары, прадстаўленыя на сцэне, дыпломамі І, ІІ і ІІІ ступені адпаведна Мінскую абласную дзяржаўную спецыяльную агульнаадукацыйную школу-інтэрнат для дзяцей з парушэннямі слыху, сярэднюю школу № 13 Слуцка і Жодзінскі дзіцячы дом.

Лепшымі ў выставе работ выяўленчай і дэкаратыўна-прыкладной творчасці сталі Рудзенская дапаможная школа-інтэрнат, Слуцкі раённы ЦКРНіР і Мінская абласная дзяржаўная спецыяльная агульнаадукацыйная школа-інтэрнат для дзяцей з парушэннямі слыху. Яны занялі першае, другое і трэцяе месца адпаведна. Таксама былі вызначаны пераможцы ў намінацыях, спецыяльнымі дыпломамі адзначаны асобныя ўдзельнікі, калектывы і іх кіраўнікі.

Падводзячы вынікі работы абласнога фестывалю, старшыня журы Антаніна Міхайлаўна Змушко, начальнік аддзела спецыяльнай адукацыі Міністэрства адукацыі, адзначыла высокі ўзровень падрыхтоўкі дзяцей, а таксама назвала рысы, характэрныя для фестывалю гэтага года ў Мінскай вобласці: зварот да вытокаў, актыўны ўдзел прадстаўнікоў ЦКРНіР і інклюзіўны характар многіх нумароў. Антаніна Міхайлаўна таксама звярнула ўвагу на тое, што ўпершыню сярод дыпламантаў апынулася звычайная школа — сярэдняя школа № 13 Слуцка. Таксама старшыня журы адзначыла, што фестываль развіваецца і мае вялікае значэнне: “Мы на кожным “Вясёлкавым карагодзе” бачым тое, што на папярэднім фестывалі нам здавалася немагчымым. Раней нават не маглі ўявіць, што на сцэну выйдуць выхаванцы ЦКРНіР, а сёння яны прадстаўлены шырока на гала-канцэртах ва ўсіх абласцях. Сёння бяруць удзел у фестывалі дзеці з аўтыстычнымі парушэннямі, для якіх цяжка ўвогуле ладзіць зносіны з людзьмі, а яны выходзяць на сцэну. Вялікае шчасце, што ёсць у нас прафесіяналы, якія могуць дапамагчы дзецям гэтага дасягнуць”, — падкрэсліла А.М.Змушко.

Дар’я РЭВА.
Фота аўтара.

свернуть

ХI республиканский фестиваль художественного творчества «Вясёлкавы карагод»

15 апреля большим гала-концертом в молодечно завершился ХI республиканский фестиваль художественного творчества Вясёлкавы карагод»

26.04.2016

«Вясёлкавы карагод» – фестиваль  не простой, а со смыслом, ведь дети, которые принимают в нем участие, – особенные. Им, как никому другому, необходимы внимание и помощь. Фестиваль – это  возможность для воспитанников с особенностями  развития включиться  в творческий процесс, что позволяет им быть успешными и чувствовать себя востребованными. Фестиваль создает условия для сотрудничества детей с особенностями психофизического развития и обычных детей. Одна из важнейших задач – привлечение внимания  общества  и формирование  толерантного отношения к проблемам детей с ограниченными возможностями, усиление инклюзивных процессов.

В фестивале «Вясёлкавы карагод»  приняли участие и  воспитанники ГУО «Слуцкий районный центр коррекционно-развивающего обучения и реабилитации» – танцевальный коллектив «Дружные ребята». Вниманию зрителей была представлена    хореографическая композиция «Слуцкие пояса», в которой были задействованы и учащиеся ГУО «СШ №8 г.Слуцка», ГУ «Слуцкий районный ТЦСОН». Огромная благодарность хореографу ГУО «СШ №8 г.Слуцка» Елене Михайловне Макаровой и специалисту по социальной работе ГУ «Слуцкий районный ТЦСОН» Марине Владимировне Волоховой. Танцевальный коллектив «Дружные ребята» награжден

• дипломом II степени управления образования Минского областного исполнительного комитета в номинации «Хореографическое творчество»;
•  дипломом Министерства образования Республики Беларусь  I степени в номинации «Народно-сценический танец».

На выставке изобразительного и декоративно-прикладного творчества не оставили равнодушными ни членов жюри, ни зрителей экспонаты, представленные ГУО «Слуцкий районный центр коррекционно-развивающего обучения и реабилитации». В номинации  «Изобразительное и декоративно-прикладное творчество» Слуцкий ЦКРОиР награжден 

• дипломом I степени управления образования Минского областного исполнительного комитета;
• дипломом II степени Министерства образования Республиуи Беларусь

ГУО «Средняя школа № 13 г. Слуцка»  – опорное учреждение   образования для детей с особенностями психофизического развития в Слуцком районе.  Впервые в республике данное учреждение общего среднего образования на XI республиканском фестивале художественного творчества «Вясёлкавы карагод» награждено дипломом Министерства образования Республики Беларусь, несмотря на то, что фестиваль проводится среди учреждений специального образования (специальные школы, школы-интернаты, ЦКРОиР).   

Сергей Яцук,
учащийся 3 класса интегрированного обучения и воспитания (по программе для детей с нарушениями зрения (незрячий) отмечен
• специальным дипломом международного благотворительного фонда Юрия Розума СНГ и ЕС за яркое и оригинальное выступление; 
• дипломом Минской областной организации Белорусского профессионального союза работников   образования и науки;
• дипломом II степени управления образования Минского областного исполнительного комитета в номинации «Вокальное творчество».

 Вероника Стречко, 
учащаяся 1 класса интегрированного обучения и воспитания (по программе для детей с нарушениями слуха) получила

• диплом РО «Молодежная миссия «Чистое сердце»»
• диплом Минской областной организации Белорусского профессионального союза работников   образования и науки;
• диплом I степени управления образования Минского областного исполнительного комитета в номинации «Хореографическое творчество».

Мы  убеждены, что «Вясёлкавы карагод» станет для всех участников ступенькой к настоящему мастерству.

Инесса ПОНОМАРЁВА,
директор Слуцкого районного центра коррекционно-развивающего обучения и реабилитации.

свернуть

УЗНАГАРОДЫ «ВЯСЁЛКАВАГА КАРАГОДА»

19.04.2016

Слуцкі цэнтр карэкцыйна-развіваючага навучання і рэабілітацыі ўзнагароджаны дыпломам ІІ ступені Міністэрства адукацыі Рэспублікі Беларусь  за актыўны ўдзел у выстаўцы выяўленчай і дэкаратыўна-прыкладной творчасці ХІ рэспубліканскага фестывалю мастацкай творчасці «Вясёлкавы карагод». Калектыў народна-сцэнічнага танца Слуцкага ЦКРНіР (сумесна з СШ №8 і ТЦСАН) адзначаны дыпломам за ўдзел у конкурсе. На абласным этапе конкурсу слуцкія ўдзельнікі былі таксама ў ліку пераможцаў. Дыпломамі Міністэрства адукацыі за актыўны ўдзел у конкурсе «Вясёлкавы карагод» і ўпраўлення адукацыі Мінаблвыканкама адзначаны і калектыў сярэдняй школы №13 г. Слуцка, вучні школы Сяргей Яцук і Вераніка Страчко.

свернуть