Літаратурны салон “Літаратурны твар малой радзімы”
03.04.20213 красавіка 2021 года вучняў 2-х класаў Жанна Мікалаеўна Бранавец запрасіла ў літаратурны салон. Адбылося вельмі цікавае мерапрыемства “Літаратурны твар малой радзімы”. Дзеці змаглі пашырыць свае веды пра пісьменнікаў Случчыны. Асабліва іх зацікавіў аповед пра дзіцячыя гады і жыццёвы шлях Васіля Віткі (Цімафея Васільевіча Крысько).
Сям’я хлопчыка жыла ў вёсцы Еўлічы Слуцкага раёна. Жылі бедна, але ў хаце ніколі не зводзіліся кнігі. Праз усё жыццё В. Вітка пранёс шчырую любоў да сваей малой радзімы. Вось радкі з яго верша:
Ёсць на зямлі такі куток,
З якім навек я злучаны,
Адкуль ступіў свой першы крок –
Мая радзіма – Случчына.
Вучні пашырылі свой слоўнікавы запас, разгадалі крыжаванку, пазнаёміліся з кніжнай выставай і паўдзельнічалі ў конкурсе чытальнікаў. Верш Васіля Віткі “Чатыры пажаданні” лепш за ўсіх запомніла і выразна прачытала напамяць Акуловіч Анастасія.